Key : Ab
1
Lia le tang mu bang kingai, thei bang kilo,
Kum sawt tang bang dam khawm uh hen;
Seino gualte’n pak bang tawi, nunnop i zo,
Sian’ lungdeih tuang tunna hi hen.
Sakkik
Sihna’n samgi bang khen mateng, ma tengin,
Sian tawh maciang suan uh hen;
Itna le tongciamna’n khau bang hual khawm in,
Gual lai-ah ni bang tang uh hen.
2
Inn le lo suang zo dingin, Na siam inla,
Khawhma, ehma daupai sak in;
Zin le leeng do siam innkuan suak sak inla,
Vandai ngo tawh Na tuam den in.
3
Sesum minthang le sung nek, mim le tang tawh,
Nunnop lii bang Na cingsak in;
Zai tha saan uh hen, thunget lasakna tawh,
Khristian innkuan pha suak dingin.
4
Van Lau Kha Siangtho va bang hong leng inla,
Nangmah’n zingvai Na hawmpih in;
Simlei nun sungin, milun vontawi henla,
Thangvan tuang tun dong Na huai in.
