Key C.
V1:
Mitkhua mulo mittaw pi’n lam napai napai den leh
Sihna guamthuk sung nakiat ding lauhuai sa’ng
Tua guamthuk dung nakiat ma’n na mit mah mah
Doctor Jesu lawng sakin, Tua hi leh
Na mit hong kihong dinga, Lam man na zuiding hi
Cho:
Pulpi zavat, mittaw khelbai bengngong mi
Leitung pilna tawh nabawl hang dam ke’n cia
Bethsidatui hong kilok nawn lo ding a
Na natna mun telin Jesu lawng sak in
V2:
Khasiangtho vabang lenna, leitung mit in muban lo
Pasian pilna leitung pilna’n ban zolo
Ngaihsutna tawh napuk ma’n na khuak mah mah
Doctor Jesu lawng sakin, Tua hileh
Na lungtang kihong dinga, Thuman na tel ding hi
V3:
Khasiangtho huhna meibang a tanlai na mitsak ke’n
Khebai pi-in vangam ah natun sawm ke’n
Tunglam bang pial kha niteh, na khe mah mah
Doctor Jesu lawng sakin, Tua hileh
Na lungtang kihong dinga, Thuman na tel ding hi